Daglar We Adamlar – Kerim Gurbannepesow

Endam-janyn asyr dişän daglara –
Iň azyndan milliard ýaşan daglara
Garry diýmän, ýaş
diýmegmiz nämeden?
Emma welin ellä ýeten adama –
Ýaňy aýny pellä ýeten adama
«Garry» diýip
at goýmagmyz nämeden?

Ömürlik ýaş dünýä döredýän adam,
Asyrlaň düýbüne seredýän adam
Milliard ýyl geçse-de
ýigit dälmişmi?
Şeýle adamlaryň öňünde bu gün,
Şeýle ýigitleriň deňinde bu gün
Ojagaz ýaş daglar
çigit dälmişmi?

Share:

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.