او په هغه ورځ (د مولانا رح د مړینې ورځ) داسې یوه پېښه وشه چې د مولانا رح کورنۍ او د هغه مینه وال یې لا ویرجن او ژړانده کړل؛ د مولانا رح په کور کې یوه پیشو وه، هغې د مولانا رح له مړینې وروسته خوراک او څښاک ونه کړ. اووه ورځې ژوندۍ پاتې شوه او بیا مړه شوه. ملکه خاتون د مولانا رح لور هغه کفن کړه او په ژړانده سترګو یې د خپل پلار د مزار ترڅنګ خاورو ته وسپارله او مینه والو ته یې ډوډۍ ورکړه.
(د مولانا رح ژوندلیک، ګلپینارلي)
ژباړه: شبنم یوسفزۍ (پرخه)
