Hiç Köňül Şatlygy Çykmaz, – Magtymguly Pyragy

Hiç köňül şatlygy çykmaz,
Bir köňül ýykmaýan ärden.
Ýagşylyk tamasyn etmäň,
Ýamanlyk çykmaýan ärden.
Kimse ile beglik eder,
Bir jem bilen ýola gider,
Kethudalyk ýyrak gider,
Ýaman söz çekmeýen ärden.
Ýagşy är il aýbyn açmaz,
Göre-bile haram içmez,
Ýaradan ýazygyn geçmez,
Gözýaşyn dökmeýen ärden.
Eglenmez, eýýam öwrüler,
Zaman öter, nyrh çöwrüler,
Agyr döwletler aýrylar
Bir agza bakmaýan ärden.
Goçaklara ýasaw güni,
Gurda goýmaz şir awuny,
Pygamber bizar ýow güni,
Ýoldaşa bakmaýan ärden.
Öz-özünden akly ýetmez,
Akyllaryň sözün tutmaz,
Ýoksullyk ýok bolup gitmez,
On iş derk etmeýen ärden.
Magtymguly, ýangyl, öçgül,
Ýa lal otur, ýa dür saçgyl,
Bir guýruksyz itdir, gaçgyl,
Hesihat ýokmaýan ärden!
:: ADVERTISEMENTS ::
Share:

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.