مُقدّس بـورج

مُقدّس بـورج

دنیا اُزره مُقدّس لیک بار بـــولســــــــــه
وطنینگ خذمتی مُقدّس بورج دیـــــــر
هرکیم بیلین غوشاپ چیندان یار بولســــه
وطنینگ خذمتی مُقدّس بورج دیـــــــر

وطن غوجاغیندا ئوسدونگ، اولالدینــگ
آد-آبرای غازاندینگ، گؤزلره دولدنگ
آیرا دُشن وقتینگ ، سارالدینگ، سولدونگ
وطنینگ خذمتی مُقدّس بورج دیــــــــر

دورموشدا مُقدّس ذاتلار ئوران کـــــــان
اولاری ارزیلاماق، بیل جزء ایمــــــان
وطنی سؤیمک لیک، بیلسنگ بییک شان
وطنینگ خذمتی مُقدّس بورج دیـــــر

أنه توپراغینگ نینگ امیدی سنــــــــــدن
زحمت چک، خذمت ات جان بیرله تندن
عقلینگ بولسه هرگیز گیتمه وطنــــــــدن
وطنینگ خذمتی مُقدّس بورج دیـــــــر

ایی گؤر وطنینگ نی، اونوتمه ایلینـگ نی
آباد ایله داغ وصحــرا ، چؤلونـــگ نــی
خدمت اوچین محکم باغله بیلینـــگ نـی
وطنینگ خذمتی مُقدّس بورج دیـــــــر

وطنینگ حقی بار، ایلینگ حقی بـــــار
اداء ایله اونی، گُولمسین اغــــــیـــــــار
«آیدینگ» اخلاص بیلن بولغیل سن تیار
وطنینگ خذمتی مُقدّس بورج دیـــــــر

عشق آباد شهری
«23» فبروری 2017 ( 5 حوت 1395)