پالي‌ بندانينگ – مختومقلی فراغی

پالي‌ بندانينگ
اي‌ يارانلار، حرام‌ ايشه‌ اولاشماز
اگر درست‌ بولسا پالي‌ بندانينگ‌
حراما اولاشماز، پيسه‌ بولاشماز
حقا دوغري‌ بولسا يولي‌ بندانينگ‌
تازه‌ عمرينگ‌ سولار اجل‌ باديندان‌
آخر نقصان‌ گلر دنيا سوديندان‌
بويني‌ آزاد بولا تاموغ‌ اوديندان‌
حقي‌ ياد ايله‌سه‌ تيلي‌ بندانينگ‌
قبرينگا سالمازلار دنيا ماليندان‌
يوزي‌ قارا، جواب‌ گلمز تيليندن‌
قيامت‌ گون‌ شكوه‌ ادر اليندن‌
زكات‌سيز ييغيلان‌ مالي‌ بندانينگ‌
نفس‌ خيالده‌ كونگول‌ دنيا كويونده‌
يول‌ ايراق‌ دير، يوك‌ آغيردير بويوندا
آياغي‌ ط‌لبده‌، الي‌ اويوندا
اجل‌ آغزينده‌ دير بيلي‌ بندانينگ‌
مختومقلي‌ هر كيم‌ ايشين‌ صاف‌ اتمز
معلوم‌ دير كه‌ آخرتدان‌ خوف‌ اتمز
عاجز تني‌ اودلي‌ گرزا تاب‌ اتمز
يا رب‌، نيچيك‌ بولغاي‌ حالي‌ بندانينگ‌
:: ADVERTISEMENTS ::
Share:

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.