ديوانه‌ گلدي‌ – مختومقلی فراغی

ديوانه‌ گلدي‌
بير گيجه‌ ياتيرديم‌، سحر وقتيندا
بهاالدين‌ آدلي‌ ديوانه‌ گلدي‌
عصاصين‌ سويره‌ييپ‌ گلميش‌ بخاردان‌
حق‌ عشقينا مست‌ و مستانا گلدي

بير نيجه‌سي‌ يار و ياران‌ دوردولار
مجلس‌لر اوزاندي‌، حلقه‌ قوردولار
نعره‌ چكديلر، سماع‌ اوردولار
صدالار دوزولدي‌، جان‌ جانا گلدي‌
غوغا قوپدي‌، رحمت‌ بوياندي‌ دوزلر
ساچيلدي‌ قاش‌ ياشلار، آچيلدي‌ گوزلر
ييغيلدي‌ درويش‌لر، دوكدي‌ فيض‌لر
گويا ديير سن‌ آخرزمانا گلدي‌
اوقير بولسا علم‌ لدن‌ آچيغلي‌
هم‌ ديوانا، هم‌ بنگي‌، هم‌ ايچيگلي‌
قولوندا كاسه‌سي‌، سردن‌ گچيگلي‌
سينامدا قويدولار، بير شانه‌ گلدي‌
مختومقلي‌ آيدار، قرآنا اويدوم‌
غيبتي‌ تاشلاديم‌، حرامي‌ قويدوم‌
سيغرينا بيلمه‌ديم‌، سيريمي‌ دييديم‌
ساقلانا بيلمه‌ديم‌، زبانه‌ گلدي‌
:: ADVERTISEMENTS ::
Share:

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.