دوستلاريم – مختومقلی فراغی

دوستلاريم
واخ مني رنج و الم افکار قيلـــــــــــــــدي ، دوستلاريم
آتماغا محنت اوقون تاييار قيلــــــــــــــدي ، دوستلاريم
قايغي بيرله بيزلري بيمار قيلـــــــــــــــدي ، دوستلاريم
ايل – گون، دنگ – دوشلاريم هم زار قيلدي ، دوستلاريم
شوم فلک آيرا ساليپ ، ناچار قيلدي ، دوستلاريم
جوشغونيم فرقت ايچــــــــــــره قالميشام بو جايدا من
آيرالــــــــيق نينگ حسرتيندان گيجه – گونديز وايدا من
دوشموشم بير يار اليگه ، روز و شب هوي – هايدا من
ييلــــــــــــــدا بير خشتيم دوشر ، اگسيلرم بير آيدا من
اوشبو يارينگ حيله سي هم خوار قيلدي ، دوستلاريم
بير زمان رحم ايله مس آشفته حاليمغا منينـــــــگ
روز و شب من ييغلارام گچن خوب ساليمغا منينـگ
نيله يين ، ايشيم دوشوپدير اوشبو ظالمغا منينـــگ
غصه – غمدان غيري زات گلمز خياليمغا منينــــــــگ
بيزه زلفين گوستريپ هم مار قيلدي ، دوستلاريم
اي کونگول ، گل ، شکر قيلغيل ، بولماغيل زار و زبون
بولاور مردانه ، کونگلوم ، بيل اوتر سندن بو گــــــــــون
جوشاورگيل ، اي کونگول ، گير بزميمه مندن شو گون
بير نيچه محنتده ياتدينگ ، ايمدي گل ، راحت شو گون
عشق سرگردان ليغي آوار قيلدي ، دوستلاريم
سؤزله ييپ ، مختومقلي ، مؤنچا فغان چکمه نه دير
گؤزده ياشينگ آقيزيپ ، خونابه لر دوکمک نه ديــــــر
غصه ني جان شهري گه ، تخم اديپ چکمک نه دير
دهر آرا رسوا بولوپ گؤوسونگ ني چاک اتمک نه دير
مني عشق سوداسيغا گرفتار قيلدي ، دوستلاريم
:: ADVERTISEMENTS ::
Share:

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.