داغلار، داشلار بيلن‌ – مختومقلی فراغی

داغلار، داشلار بيلن‌
كونگول‌ آيدار: خلقدان‌ قاليپ‌
گزسم‌ داغلار، داشلار بيلن‌
يازيغيمني‌ يادا ساليپ‌
يوزوم‌ يووسام‌ ياشلار بيله‌
كيمني‌ گورسم‌، بير پيشه‌ده‌
منينگ‌ كونگلوم‌ انديشه‌ده‌
گاهي‌ سر انجام‌ گوشه‌ده‌
اوتورسام‌ درويش‌لر بيلن‌
كونه‌ دنيا آل‌ ايچينده‌
آدمزاد خيال‌ ايچينده‌
جهان‌ قالماغال‌ ايچينده‌
هر كيم‌ يوز تلاش‌لار بيلن‌
الله‌نينگ‌ عشقينده‌ مست‌لر
دوش‌ گليشمز زبردست‌لر
كونگول‌ پرواز اورار، دوست‌لار
دورماز يوز علاج‌لار بيلن‌
كوپ‌ كوي‌لر بيلن‌ اوتورديم‌
بيلمه‌ديم‌، نه‌ ايش‌ بيتيرديم‌
گمراه‌ بولوپ‌، يول‌ ييتيرديم‌
اوتورديم‌ بي‌وج‌لر بيلن‌
بيكار قويما عمر تختي‌
اويانديرسانگ‌ اويوميش‌ بختي‌
دعا قيليپ‌، سحر وقتي‌
ناليش‌ قيلسام‌ قوشلار بيلن‌
مختومقلي‌، توفيق‌ آلسام‌
بير ار تاپسام‌، قوللوق‌ قيلسام‌
كونگول‌ آيدار: يولداش‌ بولسام‌
دم‌ چكن‌ درويش‌لر بيلن‌
:: ADVERTISEMENTS ::
Share:

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.