داش‌ قالدي‌ – مختومقلی فراغی

داش‌ قالدي‌
نه‌ ذوق‌ و صفالار ييگيت‌ليك‌ بيلن‌
بهار بولوپ‌ گچدي‌، بيزدن‌ داش‌ قالدي‌
قارريليق‌ يتيشدي‌ مونگ‌ كلفت‌ بيلن‌
ميزان‌ اوتدي‌، خزان‌ گلدي‌، قيش‌ قالدي‌
عمريمني‌ صرف‌ اتديم‌ هاي‌ بيله‌ وايه‌
قوللوق‌ – ط‌اعت‌ ايله‌مه‌ديم‌ خدايه‌
ييگيت‌ليك‌ اثرين‌ اوتگرديم‌ ضايه‌
ايمدي‌ نه‌ گويچ‌-قوات‌،نه‌بيرجوش‌ قالدي‌
عمريم‌نينگ‌ قالمادي‌ بير ذره‌ شادي‌
هيچ‌ كيمسه‌ اشيتمز آهي‌ فريادي‌
جسميم‌ كباب‌ اتميش‌ آيراليق‌ اودي‌
يورك‌لر قان‌ بولوپ‌، گوزده‌ ياش‌ قالدي‌
هر بير قولا شوم‌ آيراليق‌ ساليندي‌
جسميم‌ خزان‌ اوردي‌، گلي‌ سولوندي‌
خزنه‌سي‌ اورولدي‌، اويي‌ تالاندي‌
نه‌ آندا بير عقل‌، نه‌ بير خوش‌ قالدي‌
قويدي‌ مني‌ يوز مونگ‌ آزاره‌ فرقت‌
گيجام‌ اوزين‌ بولدي‌، دانگ‌ آتماق‌ رقت‌
غصه‌ بيلن‌ گون‌ گچيرمك‌ مشقت‌
نه‌ جانده‌ فراغت‌، نه‌ بير عيش‌ قالدي‌
آيراليق‌ جان‌ – جسمه‌ چوخ‌ آزار بردي‌
رنج‌ و الم‌ چكديم‌، تنيم‌ سارغاردي‌
غصه‌ بيلن‌ ساچ‌ – ساقغاليم‌ آغاردي‌
نه‌ روح‌ده‌ شاد، نه‌ كونگولده‌ خوش‌ قالدي‌
مختومقلي‌، ايشيم‌ قيل‌ و قال‌ بولدي‌
شوم‌ آيراليق‌ بيله‌ عقليم‌ لال‌ بولدي‌
بيلمه‌ديم‌، نه‌ سودا، نيچيك‌ حال‌ بولدي‌
جان‌ تندن‌ آيريلدي‌، قوري‌ لاش‌ قالدي‌
:: ADVERTISEMENTS ::
Share:

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.