بي‌وفالاردان – مختومقلی فراغی

بي‌وفالاردان
گوزلاپ‌ كونگول‌ برمه‌ بي‌وفالارغا
باق‌، كيم‌ وفا گورموش‌ بي‌وفالاردان‌!
قويما اوزونگ‌ يرسيز بو جفالارغا
كيم‌ بهره‌ تاپيپدير بو جفالاردان‌!
عشقينگ‌ آوازه‌سين‌ دينگله‌ داشيندان‌
جان‌ جبريندن‌ قورقسانگ‌،بارما باشيندان‌
سريشدانگ‌ كم‌ بولسا عشقينگ‌ ايشيندن‌
بار، خبر آل‌ گورن‌ مبتلالاردان‌!
سوزوم‌ نصيحت‌ دير، بير قولاق‌ سالينگ‌
بنده‌سي‌ من‌ سوزه‌ خريدار قولونگ‌
قيرق‌ اويناشلي‌ خاتين‌ ياغشي‌دير، بيلينگ‌
شرانگيز كوپ‌ ديل‌لي‌ كدخدالاردان‌!
شرابا ط‌هورا كيمگه‌ جام‌ باردير
كونگول‌ گوزگي‌ كيمين‌ نوري‌ انوردير
دنيا يدي‌ باشلي‌ يالماويز ماردير
قاچغانلار قوتولماز بو بلالاردان‌!
ياتما، مختومقلي‌، عشرتينگ‌ سويوپ‌
مونچا ياتجاق‌ سن‌ كفنينگ‌ گييپ‌
حاجتين‌ تاپار مي‌ خوجاسين‌ قويوپ‌
ديلگ‌ ادن‌ كيمسه‌ قول‌ گدالاردان‌!
:: ADVERTISEMENTS ::
Share:

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.