بيگمان‌ ياندير – مختومقلی فراغی

بيگمان‌ ياندير
ارتيري‌ اوقيسانگ‌ نماز بامداد
روز و شب‌ گناه‌ني‌ بيگمان‌ ياندير
اوچماخا يوزلنسنگ‌، يوللاري‌ آباد
كوثرده‌ دورت‌ آريق‌ آبي‌دان‌ قاندير
اويلاني‌ اوقيسانگ‌، اوزر سن‌ فرضي‌
قبولدير الله‌دان‌ ديله‌گن‌ عرضي‌
بهشتينگ‌ ايشيگين‌ آچار دورت‌ فرضي‌
قاپي‌سين‌ آچيپ‌، روشن‌ تخيتنا موندير
الله‌ني‌ ياد اديپ‌ تورسانگ‌ سحرده‌
حق‌ بيلن‌ آرادا قالماغاي‌ پرده‌
دورت‌ فرضي‌ اوقيسانگ‌ نماز ديگرده‌
عالم‌لار نمازينگ‌ حديثين‌ ايندير
آغشامي‌ اوقانگدا، شيط‌انلار آغلار
گووسونه‌ داش‌ اوروپ‌، سينه‌سين‌ داغلار
دوزخينگ‌ ايشيگين‌ اوچ‌ فرضي‌ باغلار
صبر اتسنگ‌، دوزخينگ‌ اودوني‌ سوندير
ياسسي‌دا وتر اوقيپ‌ ياتسانگ‌ سريشده‌
راضي‌ بولار سندن‌ قنوت‌ پريشده‌
اگر برجاي‌ اتسنگ‌ اوشبو روشده‌
خيرينگني‌ فاش‌ اديپ‌، شرينگني‌ سوندير
مختومقلي‌، موندا دورماز سن‌ باقي‌
المدام‌، صبح‌ و شام‌ ياد ايله‌ حقي‌
باش‌ وقت‌ نمازينگني‌ سن‌ ياغشي‌ اوقي‌
آتشي‌ دوزخينگ‌ باريني‌ سوندير
:: ADVERTISEMENTS ::
Share:

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.