بير نان‌ گتيردي – مختومقلی فراغی

بير نان‌ گتيردي
بير گيجه‌ ياتيرديم‌، شاه‌ نقشبندي‌
كرمي‌ جوش‌ ايلاپ‌، بير نان‌ گتيردي‌
ساغ‌ الينده‌ بادا-گلگون‌ شرابي‌
سول‌ الينده‌ تازه‌ بريان‌ گتيردي‌
اويانديم‌ اوقودان‌، قالديم‌ دويشومدن‌
حيران‌ قالديم‌ ديوانانينگ‌ ايشيندن‌
باداسين‌ نوش‌ ايلاپ‌، گيتديم‌ هوشومدان‌
غم‌ ديده‌دن‌ اشك‌ گريان‌ گتيردي‌
جان‌ خروجا گلدي‌ قايناپ‌- جوشمادان‌
يوره‌گيم‌ موج‌ اوردي‌ دولوپ‌ – داشمادان‌
بير اشارات‌ بولدي‌ آنگا دوشمادان‌
فهم‌ اتمه‌ديم‌، جانا آرمان‌ گتيردي‌
آنگلاماديم‌، عشقا بولدوم‌ خريدار
بيلمه‌ديم‌، ايسته‌ديم‌ دلبردن‌ ديدار
عشق‌ دردينه‌ دوشدوم‌، قالديم‌ گرفتار
كيمسه‌ بو درد اوچين‌ درمان‌ گتيردي‌؟
مختومقلي‌، توردوم‌ ط‌واف‌ اتماگه‌
ديل‌ فرمان‌ برمه‌دي‌ جواب‌ اتماگه‌
عشق‌ اهلي‌نينگ‌ حالين‌ خراب‌ اتماگه‌
عقليم‌ آليپ‌، مستي‌ حيران‌ گتيردي‌
:: ADVERTISEMENTS ::
Share:

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.