بير خدا دال‌ مي‌؟ – مختومقلی فراغی

بير خدا دال‌ مي‌؟
عرضيمي‌ اشيدينگ‌ اي‌ خاص‌ و عام‌لار
بارچاني‌ يارادان‌ بير خدا دال‌ مي‌؟
قويمانگ‌ دوستلار باش‌ وقت‌ نمازروزاني‌
اوقان‌ قولونگ‌ جايي‌ جنتده‌ دال‌ مي‌؟
آيتماق‌ واجب‌ اولار، اشيتمك‌ ثواب‌
يارادانا بارچا دوز برگي‌ جواب‌
ايامينگ‌ صوفي‌سي‌ يالانچي‌ كذاب‌
وعده‌سي‌ اقراري‌ يالان‌ هم‌ دال‌ مي‌؟
بيرو بير كيمرسه‌ امانت‌ قويسا
قولاغيندان‌ توتوپ‌ دوغروسين‌ دييسه‌
اگر امانتدان‌ بير قط‌ره‌ اييسه‌
محشر گوني‌ اول‌ هم‌ شيط‌ان‌ دال‌ مي‌؟
دوغري‌ سوزي‌ اوغرين‌ آييپ‌ سوزلارلر
اوز ماليندان‌ دويمان‌ خلقدان‌ گوزلارلر
اوغول‌ آتاسيندان‌ بورون‌ سوزلارلر
شيله‌ بير قدرت‌لي‌ زمان‌ هم‌ دال‌ مي‌؟
باغلي‌ بولار مخنثينگ‌ قاپي‌سي‌
ميهمان‌ گلسه‌ بولماز ذوقي‌ صفاسي‌
خاتونا گيديريپ‌ گلگون‌ لباسي‌
تلموريپ‌ يوزونه‌ حيران‌ هم‌ دال‌ مي‌؟
سوزله‌ مختومقلي‌ عقلينگ‌ يتينچا
قيامتينگ‌ قازان‌ بيكار ياتينچا
تاموغدا دير تا دنيادن‌ اوتينچا
پيريميز بيك‌دوردي‌ ايشان‌ هم‌ دال‌ مي‌؟
:: ADVERTISEMENTS ::
Share:

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.