بيتمك‌ گرك – مختومقلی فراغی

بيتمك‌ گرك
“الف‌” – الله‌ يولي‌دير، دوغري‌ دوروپ‌ گيتمك‌ گرك‌
“ب‌” – بير خدانينگ‌ بيرليگين‌ برحق‌ بيليپ‌ بيتمك‌ گرك‌
“ت‌” – توبه‌ ايله‌ييپ‌، دنياني‌ اونوتماق‌ گرك‌
“ث‌” – ثبوت‌ قدم‌ قويوپ‌، حق‌ امريني‌ توتماق‌ گرك‌
“ج‌” – جايز دير خوجا – قول‌، قوللوغين‌ اتمك‌ گرك‌
“ح‌” – حبيبين‌ نوريني‌ سابق‌ امكان‌ ايله‌دي‌
“خ‌” – خدا من‌ دييدي‌، ايكي‌ جهاني‌ ايله‌دي‌
“د” – دلالت‌ بير ديييبان‌، مصط‌فاني‌ ايله‌دي‌
“ذ” – ذليل‌ليك‌ چكمه‌سين‌ دييپ‌، باصفاني‌ ايله‌دي‌
“ر” – رحمت‌ بحريندن‌ اخلاص‌، اميد اتمك‌ گرك‌
“ز” – زياده‌ نفسينگي‌ دنيا اوچين‌ يلديرمه‌گين‌
“س‌” – سبحانينگي‌ ياد ات‌، غفلته‌ اويدورماغين‌
“ش‌” – شيط‌ان‌ يولونا، گل‌ گونگلونگي‌ آلديرماغين‌
“ص‌” – صبر ايله‌، ثوابينگ‌ آتشه‌ يانديرماغين‌
“ض‌” – ضابط‌ بيرله‌ سورسا، نه‌ جواب‌ اتمك‌ گرك‌
“ط‌” – ط‌مع‌ بيرله‌ كونگلونگي‌ نفس‌ يولونا سالماغين‌
“ظ‌” – ظ‌لم‌ ايلاپ‌ او گون‌ دوزخدا قاليپ‌ يانماغين‌
“ع‌” – عالم‌ دوزدي‌ كرون‌، سن‌ هم‌ آندان‌ قالماغين‌
“غ‌” – غني‌ مال‌ – ملكيم‌ باقدير دييپ‌ سانماغين‌
“ف‌” فراغت‌ وقت‌ اكن‌، نفسينگ‌ني‌ رام‌ اتمك‌ گرك‌
“ق‌” – قرابت‌ ايتسه‌سنگ‌، بو يولدا بيلينگ‌ باغلاغيل‌
“ك‌” – گناهينگ‌ ياد اديپ‌ تور هر سحرلر ييغلاغيل‌
“ل‌” – لط‌فين‌ قيل‌ اميد، شيط‌اندان‌ اوزونگ‌ سايلاغيل‌
“م‌” – مرادينگ‌ ايسته‌ييپ‌، عاجزليغينگ‌ ياد ايله‌گيل‌
“ن‌” – نور رحمتيندن‌ چين‌ اميد اتمك‌ گرك‌
“و” – وصل‌ رتبه‌سين‌ بير گيزلين‌ بازار ايله‌دي‌
“ه'” – هلاكت‌ليك‌ بيلن‌ عاشق‌لارين‌ زار ايله‌دي‌
لا اله‌ الا الله‌ دييپ‌، اوزون‌ آشكار ايله‌دي‌
“ي‌” – يرگه‌ بردي‌ مسكنت‌، آسماني‌ دوار ايله‌دي‌
مرد اولانلار عشق‌ يولوندا، جانين‌ اونوتماق‌ گرك‌
“يا” ياراتغان‌ يولونا نانينگ‌ني‌ برسنگ‌ آز هنوز
تن‌ برهنه‌ اولتوريپ‌، دونونگ‌ني‌ برسنگ‌ آز هنوز
رنگ‌ سرخينگ‌ سولدوريپ‌، قانينگ‌ني‌ برسنگ‌ آز هنوز
چاك‌ اديپ‌، مختومقلي‌، جانينگ‌ني‌ برسنگ‌ آز هنوز
نه‌ اوچين‌ جانينگ‌ني‌ ايسلان‌، جانينگ‌ خوب‌ توتماق‌ گرك‌
:: ADVERTISEMENTS ::
Share:

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.