اوچا بيلمن‌ نيلايين‌ – مختومقلی فراغی

اوچا بيلمن‌ نيلايين‌

كونگلوم‌ ايستار، گزسم‌ دنيا عالمي‌

قاناتيم‌ يوق‌، اوچا بيلمن‌، نيلايين‌

اوقير من‌، گورر من‌ فوز الكلامي‌

معني‌سيني‌ ساچا بيلمن‌، نيلايين‌

كوپ‌لر آندا غواص‌ بولوپ‌ يوزرلر

مانگا ظ‌اهر، خلقدان‌ پنهان‌ گزرلر

گل‌ باده‌دا گلگون‌ شراب‌ ازرلر

قول‌ اوزاديپ‌، ايچه‌ بيلمن‌، نيلايين‌

اوي‌ داشيندان‌ شراب‌ ايسين‌ نوش‌ قيلديم‌

گيتدي‌ عقليم‌، اوزوم‌ بيلمه‌ي‌، جوش‌ قيلديم‌

مي‌مست‌ بولدوم‌، درسيز قاپا دوش‌ بولدوم‌

رخصت‌ بولماي‌، آچا بيلمن‌، نيلايين‌

ييتدي‌ يولوم‌، داغ‌ قايسي‌دير، دوز قايسي‌

آنگماز كونگلوم‌ معني‌ قايسي‌، سوز قايسي‌

فهم‌ ايله‌من‌، يول‌ قايسي‌ دير، ايز قايسي‌

اميد اوزوب‌، قاچا بيلمن‌، نيلايين‌

مختومقلي‌، بو دنيانينگ‌ هاموسين‌

ييغيب‌، دويريب‌، يله‌ برديم‌ ناميسين‌

فكر درياسيندا عقليم‌ گاميسين‌

باتيرميشام‌، چيقا بيلمن‌، نيلايين‌

:: ADVERTISEMENTS ::
Share:

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.