انسان‌ اوغراشسا – مختومقلی فراغی

انسان‌ اوغراشسا

كونگول‌ آچيلار، جم‌ بولار

بير-بيره‌ انسان‌ اوغراشسا

هوش‌ گيدر، عقل‌ كم‌ بولار

ديل‌ بيلمز حيوان‌ اوغراشسا

سووشده‌ مرد باشدان‌ گچر

نامرد عقل‌ هوشدان‌ گچر

بدو سگراپ‌، لاشدن‌ گچر

ياغي‌ اينمز قان‌ اوغراشسا

مردينگ‌ سيغناني‌ الله‌دير

مخنث‌ باشا بلاديـــــــــــــــر

قوچ‌ ييگيت‌ دمير قالاديــر

هر يرده‌ دوشمان‌ اوغراشسا

فراغي‌، باغرينگ‌ پاراديــر

سينانگ‌ هم‌ اوجي‌ يارادير

منكريــــــــــــنگ‌ يوزي‌ قارادير

محشر گون‌ ميزان‌ اوغراشسا

:: ADVERTISEMENTS ::
Share:

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.