Гар Ҷон Талабӣ, Фидои Ҷонат!

Гар ҷон талабӣ, фидои ҷонат!
Саҳл аст ҷавоби имтиҳонат!
Савганд ба ҷонат ар фурӯшам
Як мӯй ба ҳар кӣ дар ҷаҳонат!
Бо он ки ту меҳри кас надорӣ,
Кас нест, ки нест меҳрубонат.
В-ин сар, ки ту дорӣ, эй ситамгор,
Бас сар биравад бар остонат!
Ман дар ту расам ба ҷахд! Ҳайҳот,
К-аз бод сабақ барад инонат!
Бе ёди ту нестам замоне,
То ёд кунам дигар замонат!
Кӯтаҳназарон кунанду ҳайф аст-
Ташбеҳ ба сарви бӯстонат!
В-абрӯ, ки ту дорӣ, эй паризод!
Дар сайд чӣ ҳоҷати камонат?
Гӯй бадани заифи Саъдӣ
Нақшест гирифта аз миёнат!
Гар воситаи сухан набудӣ,
Дар ваҳм наёмадӣ даҳонат.
Ширинтар аз ин сухан набошад,
Илло даҳани шакарфишонат!
Share:

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.